ILOILO—Naglab-ut sa 26 ka mga fixers ang na-aresto samtang 96 ka related cases ang napasaka na sa korte subong nga tuig, base sa report sang Land Transportation Office (LTO) 6.
Sa report, tatlo ka LTO 6 employees ang nagapangatubang sang kaso; apat ka personnel ang subject sa formal complaints nga gin-file sa Civil Service Commission kag sa Office of the Ombudsman; isa ka job-order employee ang gin-terminate; kag isa ka regular plantilla employee ang ginpapanaugan sang three-month preventive suspension pending sang investigation sa grave misconduct, serious dishonesty, kag alleged violations sa Ease of Doing Business Act (R.A. 11032).
Magluwas sa anti-fixing operations, ginpasangkad man sang LTO 6 ang regular roadside enforcement kag casework nga nagresulta sa 41,848 apprehensions halin Enero tubtob Nobyembre 2025.
Padayon ang ginpasangkad nga operasyon sang LTO 6 sa pagpanguna ni Regional Director Gaudioso Geduspan II.
