ILOILO – Ginabanta sa P2.6 million ang balor sang kahalitan sa sunog sa Brgy. Aurora-Del Pilar, Dumangas pasado las-12 kaina sang kaagahon.
Suno ini kay Fire Inspector Oscar De Borja Jr., fire marshal sang Dumangas Fire Station.
Madasig suno kay Borja nga naglaton ang kalayo sa istruktura nga human sa light materials.
Duha ka balay ang totally gutted samtang isa ka boarding house ang partially-damaged sa sunog.
Wala naman sang may gin-report nga napilasan ukon na-trap sa totally-gutted nga balay. Base sa impormasyon, wala sang tawo sa nasunog nga balay.
Gin-ako ni Borja nga “medyo nadugayan” nga nakasulod ang mga bumbero tungod nakakandado ang gate sang compound.
Padayon ang imbestigasyon sang BFP Dumangas kun ano ang ginhalinan sang sunog.
