Na-damage ang dump truck, pick-up kag wingvan sang nabungguan sang truck nga may karga sang Liquified Petroleum Gas (LPG) tanks sa Brgy. Tacas, Jaro kahapon, Hulyo 12.
Suno kay Police Master Sergeant Jeffrey Janay sang Iloilo City Traffic Enforcement Unit, lunsay pakadto sa direksyon sang Brgy. Tacas ang apat ka salakyan.
Nagaguwa sa imbestigasyon sang police nga naglamsot ang preno sang truck sang LPG rason nga nasagairan ang ginasundan nga dump truck.
Tungod sa impact, nagdiretso ang truck kag nabungguan ang pick-up samtang ang pick-up nakabunggo sa wingvan.
Nakabunggo sa poste sang streetlight ang truck sang LPG suno sa police.
Wala sang may napilasan sa natabo.
Na-istoryahan sang mga involved nga drivers nga i-settle ang mga galastuhon sa mga na-damage.
