ILOILO CITY — Ginkumpirmar ni Police Captain Michael Tuburan, officer-in-charge sang ICPS7 nga natumod na ang mga suspetsado sa pagbuno patay sa bouncer sa Brgy. San Felix, City Proper sang Hulyo 26.

Suno kay Tuburan, na-identify ang mga suspek paagi sa cartographic sketch nga gin-post sang Iloilo City Police Station 7 sa social media.

Tungod sini, nakabaton sang impormasyon ang police sa ngalan sang mga suspek.

Nagpamalibad ang police nga ibuyagyag ang ngalan sang mga suspek tungod nagapadayon ang follow-up operation pero ginpahayag ni Tuburan nga taga-Lapuz Norte ang lalaki samtang taga-Brgy. Boulevard, Molo ang babaye.

Base sa imbestigasyon sang police, nagakaon sang arrozcaldo ang biktima sang nag-abot ang mga suspek.

Pila ka minutos ang nakaligad, may pagbinaisay nga natabo, ginbasyahan sang sabaw ang biktima tubtob ginbuno sang suspek. — Aksyon Paula Elambayo