ILOILO CITY — Yara na sa kustodiya sang City Social Welfare and Development Office (CSWDO) ang apat ka mga menor-de-edad nga ginatudlo nagransak sa Public Order and Safety Management Office (POSMO).
Una nga na-rescue mga las-4 sa hapon ang siyam, 11-anyos, kag 13-anyos nga lalaki. Sunod naman nga nadakpan ang isa pa gid ka siya ka tuig.
Samtang, padayon naman nga ginapangita ang 15-anyos nga taga-Molo tungod wala nakapauli, suno sa police.
Sa impormasyon sang police, ginsulod sang mga menor-de-edad ang POSMO sang las-11 sang aga sang Sabado, kag ginbalikan las-kuwatro sang hapon kahapon kag ginkawat ang pila ka mga gadgets, kag pila ka mga gamit.
Na-recover sa mga bata ang cellphone kag laptop nga lakip sa mga ginkawat sa opisina.
Suno kay Police Captain Roque Gimeno, hepe sang Police Station 1, nakuhaan sang litrato ang mga menor-de-edad tungod ginhampangan nila ang DSLR camera sa sulod sang POSMO kag wala nadala sang nagpalagyo.
Wala sang organisado nga grupo ang mga menor-de-edad. — via Aksyon Farrah Mae Morano
