450 ka evacuation centers sa Iloilo City ginbuksan para sa maapektuhan sang Bagyo Tino; mandatory preemptive evacuation ginpatuman

ILOILO CITY—Gin-activate na ang 450 ka mga evacuation centers sa palibot sang siyudad para sa preemptive kag mandatory preemptive evacuation tungod sa bagyo Tino.

Kalabanan sa mga evacuation centers nga ini ang covered gym, chapel, kag day care centers, lakip na ang mga eskwelahan sa mga barangay.

May 31 ka evacuation sites sa Arevalo, 43 sa City Proper, 67 sa Jaro I kag 54 sa Jaro II, 111 sa La Paz kag Lapuz, 42 sa Mandurriao, samtang 102 sa Molo.

Nakahanda sa pagbaton ang mga evacuation centers sang 47,342 ka pamilya ukon 226,741 ka indibidwal nga lunsay may naka-prepositioned na nga mga food kag non-food items.

Las-3 kaina sang hapon ipatuman ang mandatory preemptive evacuation sa 27 ka mga coastal barangay sa siyudad lakip na ang yara sa palibot sang mga major creeks. — Aksyon Marvin Malificiar