ILOILO — Lima ang arestado samtang nakapalagyo ang ginabanta sa 25 ka mga indibidwal sa illegal gambling operation sang Janiuay Municipal Police Station sa Brgy. Barasalon, Janiuay kahapon, Sept. 12.
Suno kay Police Captain Marlon Perez, officer-in-charge sang Janiuay MPS, kagab-i pa lang nakabaton na sila sang impormasyon halin sa confidential informant nga may hiwaton nga pabulang sa lugar.
Sang ginkadtuan sang kapulisan ang barangay, naaktuhan sang kapulisan ang ilegal nga pabulang.
Ginpahayag ni Perez nga may mga nagpalagyo gani lima lang ang naaresto nga lunsay residente sang barangay.
Preso sa Janiuay Police Station ang lima nga natalana pasakaan sang kaso nga paglapas sa Philippine Presidential Decree Number 449 ukon ang Cockfighting Law of 1974. — Aksyon Paula Elambayo
