ILOILO— Nalumos ang anum ka tuig nga babaye beach resort sakop sang Binon-an, Batad, kahapon, Abril 25.
Suno kay Police Senior Master Sergeant Pejie Bunda, chief investigator sang Batad Municipal Police Station, taga-Brgy. Madanlog, San Dionisio ang nalumos nga si alyas Monica.
Sa papangusisa sang pulis sa iloy, nag-family outing lang sila sa kaiping nga banwa.
Pagkatapos panyaga, naghagaday ang magpamilya nga magpaligo sa dagat, suno sa pulis.
Nakita na lang nila si Monica nga nalumos gani gin-rescue sang iya man pamilya gani nahingagaw.
Gindala si Monica sa Balasan Hospital kag padayon nga ginabulong. — Aksyon Farrah Mae Morano
