62-anyos nga driver sang motorsiklo patay sang gintiro sang riding-in-tandem sa Anilao

ILOILO — Patay ang 62-anyos nga driver sang motorsiklo sang gintiro sang riding-in-tandem sa Barangay Dangula-an, Anilao subong nga aga.

Base sa imbestigasyon sang Anilao police, nagadulog ang motorsiklo nga ginamaneho ni alyas Danny sang gintiro sang angkas sa isa pa ka motorsiklo.

Pakadto sa Barotac Viejo ang driver upod sa iya menor-de-edad nga bata para magtambong sang hearing.

Yara na ang SOCO sa lugar agud magproseso sang crime scene.

Nagapadayon naman ang imbestigasyon sang kapulisan sa motibo sa krimen.