ILOILO CITY – Ginturn-over sang Enforcement and Security Service-Customs Police Division ang 8,875 reams sang illegal nga sigarilyo sa Bureau of Customs- Port of Iloilo.
Nagabalor sang P8.5 million ang mga na-recover nga sigarilyo kag na-secure na sa designated Customs warehouse pagkatapos ang inventory nga ginhimo.
Suno sa BOC-Port of Iloilo, padayon nila nga ginapabaskog ang mga tikang agud matapna ang pagpasulod kag pagbaligya sang mga iligal nga produkto sa syudad.
Kabahin ini sang ila suporta sa Integrity, Accountability, and Modernization (IAM) program ni Customs Commissioner Ariel F. Nepomuceno kag panindugan sang ahensya nga pabaskugon ang seguridad agud indi maglapta sa mga komunidad ang mga illegal nga pagkabutang.
