Pavia, Iloilo: Tagdumalahan sang People’s Terminal, nagpasalig nga ma-akomodar ang mga depasahero nga jeep nga magasaylo sa terminal

By: Aine Grace Bravo

Ginpasalig sang tagdumalahan sang People’s Terminal sa Pavia nga ma-akomodar nila ang mga provincial kag city loop jeepneys kon madayon ang ila pagsaylo halin sa ITGSI sa Ungka, Jaro.

Suno kay Ms. Marly Sinfuego, secretary sang operator sang People’s Terminal, may yara sang unloading area sa terminal nga mahimo ma-okupar sang mga provincial jeeps, city loop jeeps kag mga pasahero. Mangin komportable suno sa iya ang mga pasahero sa probinsya bangud indi sila masyado mainitan kon tig-ilinit kag indi man mabasa kon tig-ululan.

Hinyuon naman sang People’s Terminal sa Robinsons Land Management nga mapadugang sila sang lugar sa likod sang terminal para himuon nga parking area. Plano sang Robinsons Land nga magpahamtang sang mall sa ginapanag-iyahan nga propedad.