Operasyon sang Small Town Lottery sa probinsya, ginalauman ni Gov. Arthur Defensor nga magasugod subong nga bulan

Iloilo– Nagalaum si Governor Arthur Defensor nga maga-operate na ang Small Town Lottery (STL) sa probinsya subong nga bulan.

Kasunod ini sang pag-endorso sang gobernador sa Iloilo STL Gaming Corporation nga mangin operator sang STL. Gin-athag ni Defensor nga ginpili niya ang ang Iloilo STL bangud may yara ini sang maayo nga record kag mahapos palab-utan sang reklamo. Gin-ako sini nga nagaduha-duha siya mag-endorso sang iban nga operators sa kabalaka nga ma-entrahan sang mga illegal activities ang operasyon sang STL.

Madugay na nga ginduso sang gobernador ang legal nga pag-operate ang STL sa probinsya agud madula ang mga illegal gambling operators. Kon legal ang STL suno sa iya, may yara sang share ang local government units, Philippine National Police (PNP) kag ang provincial government. (Aine Grace Bravo)