#AksyonRadyoIloiloExclusive: Casual employee sang NBI 6 nga gintudlo nagtiro patay sa negosyante sa Smallville Complex, nagpabutyag nga nagdepensa lang sang kaugalingon matapos nga gin-alegar gintampa sang biktima!

Iloilo City–Nag-depensa lang sa iya kaugalingon si Mark Blancaflor, ang casual employee sang NBI 6 nga gintudlo nagtiro patay kay Tommy Robiso, 34-anyos sang Ledesco Village sa Lapaz.

Gin-alegar ni Blancaflor nga gingabutan siya sang pusil ni Robiso kag gintampa. Ginpanginwala man ni Blancaflor nga gin-agbayan sini ang upod nga babaye ni Robiso. Suno kay Blancaflor, nagayuhom-yuhom lang ang babaye kag wala man niya ini gina-istorya bangud upod ini sang biktima.

Nagapati si Blancaflor nga nagpangimon si Robiso rason nga naimpito ini. in-athag man niya nga indi nila upod sa lamesa ang nagtambag kag nasalabat nga si James Cua sang Ungka Dos, Pavia. Gindeklarar nga napatay sa Medicus Medical Hospital si Robiso bangud sang pito tanan ka pilas.

Samtang nagbalibad si Blancaflor sa pagbuyagyag kon diin ini nagapanago. Suno sa iya, nagpanugyan ang iya abogado nga ibutang na lang sa affidavit ang tanan niya nga nahibaluan sa insidente. (Aine Grace Bravo)