Babaye, patay matapos nahulog sa tricycle sa Janiuay!

Janiuay, Iloilo–Patay ang 42-anyos nga misis matapos nga nahulog sa ginasakyan nga tricycle sa Barangay Madong kaina sang kaagahon.

Ginkilala ang biktima kay lorie Luban sang Barangay Botong, Badiangan. Base sa pag-imbestigar ni PO2 Eddie Rongcal sang Janiuay Police Station, pakadto sa banwa si Luban agud kuntani magtabo sang iya bana.

Pero na-alang-alang ang nag-overtake sa tricycle nga pick-up sang may nasugata nga van. Nalab-ut sang pick-up ang tricycle kag nahulog si Luban nga napilasan sa ulo.

Ginhingagaw dala si Luban sa Western Visayas Medical Center pero gindeklarar nga dead-on-arrival. (Aine Grace Bravo)