MIWD, naglisensya sa DPWH nga bungkalon ang bag-o kay-o nga dalan sa atubang sang La Paz Public Market

Iloilo City — Nag-request na ang Metro Iloilo Water District (MIWD) sa Department of Public Works and Highways (DPWH) City Engineering District agud bungkalon ang karsada sa corner Magdalo La Paz Market kag makay-o ang naguba nga linya.

Suno kay Engr. Rodney Gustilo, bag-o lang gid natapos buhos ang karsada gani kinahanglan nga bungkalon agud makay-o ang leakage sa linya sang MIWD.

Ginpa-athag ni Gustilo nga naghatag man sang go signal ang MIWD sa contractor sang DPWH nga magpadayon sa pagbuhos bangud utdon lang nila ang linya.

Tubtob subong, nagabaha ang karsada halin sa nag-leak nga linya sang MIWD. (JoMaque)