UPDATE: Pag-calibrate sa mga taxi meters, ma-delay suno sa LTFRB 6

Iloilo City–Ma-delay ang pag-calibrate sang Land Transportation Franchising and Regulatory Board ukon LTFRB 6 sang mga taxi meters para lubos mapatuman ang 30 pesos nga flag-down rate.

Suno kay LTFRB 6 Legal Officer kag Spokesman Atty. Jose Marie Lamparero, may ginahulat pa sila nga mga kinahanglanon para sa calibration. Magluwas sini, mangin masaku man sila sa pagbantay para sa seguridad sang mga pasahero nga magabiyahe sa Semana Santa.

Sa karon suno kay Lamparero, 40 pesos gihapon ang flag-down rate pero dapat nga buhinan sang driver sang 10 ka pesos ang balayran sang pasahero. Kaina sang kaagahon nagtapos ang 30-pesos nga provisional flag down rate pero subong man nga adlaw nagsugod ang permanente nga flag-down rate nga 30 pesos. (Aine Grace Bravo)