Negros Oriental: 4 Patay Lakip ang Bata Matapos Ginbuno sang Suspek nga Ginapatihan Drug Addict

Guihulngan City, Negros Oriental–Apat ang patay lakip ang tatlo ka tuig nga bata nga lalaki sang ginpangbuno sang ginapatihan drug addict sa Sitio Calacdog, Barangay Humay-Humay kahapon.

Suno kay PSUPT D’artagnan Katalbas sang Guihulngan City Police Office, lakip sa mga napatay ang mag-asawa nga Temestocles, 27-anyos, kag Aidele Marinog, 26 anyos kaupod ang tatlo ka tuig nila nga bata nga lalaki. Una nga ginbuno patay sang suspek nga si Jelord Melanconico ang iya asawa nga si Richel, 28-anyos, matapos sila nag-away kag ginsunod ang pamilya Marinog nga ila kasilingan.

Lunsay napilasan sa tiyan kag dughan ang mga biktima.

Gin-hostage pa sang suspek ang anum ka tuig nga bata nga babaye sini apang na-abtan ini sang mga pulis kag gin-aresto. Na-recover sa suspek ang 12 ka pulgada nga kalabaon sang kutsilyo. Natalana nga pasakaan sang kaso nga parricide kag 3 counts of murder si Melanconico. (Aine Grace Bravo)