Driver sang Melvin Taxi, Ginpapreso Bangud Ginpahayag nga Nagbuyayaw kag Nagsipa sa Pulis!

Iloilo City–Ginpapreso sang pulis ang driver sang Melvin Taxi nga ginpahayag nagbuyayaw kag nagsipa sa iya.

Base sa blotter report sa Police Station 1, ginbanggaan sang taxi si SPO2 Jerrico Jamolo samtang tuyo sini nga magpark sa Ledesma Street, City Proper. Ginpahayag nga nagpakilala si Jamolo nga pulis siya pero nagsabat suno sa iya ang driver nga nakilala kay Jaime Constantino sang Zone 3 Calumpang, Molo nga tinawo man siya ni Dragon kag ginbuyayaw kag ginsipa ang pulis. Nabutang man sa blotter report nga naghambal pa ang taxi driver nga ginapamatay nila ang mga pulis.

Ang Melvin Taxi ginapanag-iyahan ni Melvin Odicta, ang ginkilala ni PDEA 6 Director Paul Ledesma nga top drug personality sa Iloilo nga nakilala man sa alyas nga Dragon kag Boyet. (Aine Grace Bravo)