Mga Mayors sang Bingawan kag Calinog, Nag-ako nga May Ginasukot sa Pagamit sang Ila Ambulansya

Iloilo–Gin-ako sang mga alkalde sang Bingawan kag Calinog nga may ginasukot kon magamit sang ambulansya sang banwa sa pagdul-ong sang mga pasyente sa ospital sa syudad.

Suno kay Bingawan Mayor Matt Palabrica, may ordinansa ang banwa nga nagasukot sa mga magagamit sang ambulansya halin pa sang pagpangalagad ni anay Mayor Ted Plagata. Bilang 5^th class municipality suno sa alkalde, kinahanglan nga magsukot para sa gatong sang ambulansiya bangud kulang ang pundo sang banwa.

Ginpa-athag naman ni Calinog Mayor Alex Centena nga indi compulsory ang pagbayad sa pagamit sang ila ambulansiya. Sa pagkamatuod suno sa iya, 95% sang mga pasyente nga ginadul-ong sa ospital sa syudad ang libre nga nagagamit sang ambulansiya. Apang indi malikawan suno kay Centena nga may pila ka mga pasyente nga nagahatag para sa gasolina. (Aine Grace Bravo)