911 Hotline, Magasugod Operate Subong nga Adlaw

Maga-operate na ang 911 hotline bisan wala pa nabaton sang Department of Interior and Local Government ukon DILG 6 ang operational guidelines halin sa ila central office.

Suno kay DILG 6 Director Anthony Nuyda, posible mapadala sa ila ang guidelines subong nga semana. Kon mag-abot, iga-discuss ang mga guidelines sa kabaranggayan sa rehiyon suno kay Nuyda.

Mahimo man suno kay Nuyda nga ma-localize ang operasyon sang 911 sa ulihi. Ang 911 emergency hotline maga-operate sugod subong nga adlaw sa bug-os nga pungsod kag ang DILG ang nagapanguna nga agency nga maga-implementar. (AGB)