Ginakabig High Value Target nga Drug Personality sa Molo Patay Matapos Nagbato sa mga Pulis sa Buybust Operation sa Compania Central

Iloilo City — Patay ang drug personality sa buy bust operation sang  gintingub nga pwersa sang Molo police kag City Anti-illegal Drugs Special Operations Task Group (CAIDSOTG) sa Barangay Compania Central Molo.

Suno kay Supt. Salvador Dagoon, hepe sang Intelligence Section sang ICPO , nagpalupok  kag nagtuyo magbato si Kenneth  Somodivilla  kabangdanan nga napilitan magbalos  ang mga police.

May patal nga pilas sa dughan kag ulo si Somodivilla resulta sang iya kamatayon.

Gin-classify  man suno kay Dagoon nga High Value Target si Somodivilla nga  naga-operate sang una sa  Rizal Pala-pala, City Proper apang sang nag-init sa mga police nagsaylo sa Compania Central, Molo.

Arestado man sa buybust operation sanday RJ Natividad, 22-anyos kag tomboy nga si Lea Len tanan sang Rizal Pala-pala, City Proper kag kabulig ni Somodivilla nga si Josieren Deolalia, 20-anyos sang  Dulonan, Arevalo.

Na-recover kay Somodivilla ang 2 ka 9 mm pistol, granada , plastic sachet kag bulto-bulto sang suspected shabu. (Nemesio Martirez)