Apat, pilason sa Hacking Incident sa Calinog!

Calinog Iloilo — Apat ang pilason matapos nga ginpanglabu sa Barangay Alibunan, Calinog kagab-i.

Gindala sa Western Visayas Medical Center ang magpakaisa nga sanday Hernani Chiva nga nakakas gid ang ilong kag Juvy Chiva nga napilasan sa tangkugo.

Wala naman gindala sa ospital sanday Rafael Castor kag Alfonso Retaso nga may mga minor injuries.

Antes ang insidente, nagbaisay ang mga biktima kag suspek nga upod man lang nga naga-inum inom.

Nagpauli sa iya balay ang suspek kag nagkuha sang pusil apang nadis-armahan sang mga biktima kabangdanan nagbalik liwat sa iya balay kag nagkuha sang binangon kag ginpanglabu ang mga biktima. (JoMaque)