(Update) Resolution ni Guimaras Vice Gov. John Edward Gando nga Nagatuyo ideklarar si Mayor Mabilog nga Persona non Grata, Na-calendar na para sa Session sang Sangguniang Panlalawigan

Iloilo City — Ginabaton ni Guimaras Vice Governor John Edward Gando ang pag-sorry ni Mayor Jed Patrick Mabilog kasunod sang statement sini sang nagligad nga semana nga posible indi pabor sa Guimaras-Iloilo Ferry Terminal ang mga guimarasnon bangud nahadluk sila nga may makita sa bagahe kon i-agi sa xray machine.

Suno kay Gando, maayo man nga nagsorry si Mabilog agud matapos na ang isyu.

Pero istoryahaon pa ni Gando ang mga board members kon dayunon ang resolution sini nga nagatuyo sa pagdeklarar kay Mabilog nga persona non grata.

Ini bangud nga na-calendar na para sa deliberasyon sa session sang sangguniang panlalawigan ang resolution ni Gando.

Gin-athag naman ni Gando nga indi sabat ang xray machine agud madula ang kontrabando pareho sang illegal drugs.  (JoMaque)