PRO-6 Director PCSUPT Jose Gentiles, Seryoso sa Kampanya Kontra Illegal Drugs–Guimbal Mayor Oscar Garin

Iloilo— Seryoso si Police Regional Office 6 Director PCSUPT Jose Gentiles sa kampanya kontra illegal nga druga.

Nabal-an ini ni Guimbal Mayor Oscar Garin kasunod sang sinapol sang mga opisyal sang League of Municipalities of the Philippines-Iloilo Chapter kay Gentiles sang Biernes. Suno kay Garin, siya ang nagpamangkot kay Gentiles kon ano ini ka-seryoso sa anti-illegal drug operations.

Gin-ako ni Mayor Garin nga wala siya nakasabat sang naghambal si Gentiles nga tuman ini ka seryoso sa kampanya bangud nabiktima sang illegal nga druga ang iya pamilya. Ginsugid sang PRO-6 director suno sa mayor nga bangud sa illegal drugs, napatay ang iya iloy kag ginpatay sang iya amay ang iya utod. (AGB)