Gov. Arthur Defensor, Naghatag sang iya Assessment sa Una nga 100 ka Adlaw ni Presidente Rodrigo Duterte sa Pwesto

Iloilo–Ma-athag ang mga indikasyon nga desidido kag seryoso si President Rodrigo Duterte nga maduso ang mga pagbag-o sa pungsod ilabi na sa paghatag sang solusyon sa mga problema kapareho sang tuman ka gutok nga traffic sa Metro Manila kag illegal nga druga.

Ini ang assessment ni Governor Art Defensor sa ika-100 ka adlaw ni Duterte sa pwesto. Apang naghingyo ang gobernador kay Duterte nga dapat sini pamati-an ang mga reaksyon ilabi na sang media sa iya handum nga maduso ang pagbag-o.

Kinahanglan suno sa iya nga i-assess man ni Duterte ang iya mga stratehiya bangud may mga negatibo ini nga implikasyon nga wala niya matalupangdan pareho san ginpahayag extrajudicial killings sa pungsod.

Bisan nga suportado sang gobernador ang mga programa sang adminitrasyon, gin-athag naman sini nga wala siya sang plano nga magsaylo sang partido. (AGB)