50-anyos nga Lalaki sa Maasin, Nagrason nga ‘Ginsugo sang Panulay’ agud Molestiyahan ang Iya 11-anyos nga Hinablos!

Maasin, Iloilo–‘Ginsugo sang panulay’ ang 50-anyos nga lalaki gani nga namolestiyahan sini ang iya 11-anyos nga hinablos.

Ini ang ginrason sang suspek sang ginpamangkot sang ila barangay kapitan kun nga-a nahimo sini nga molestyahan ang menor-de-edad. Suno sa punong barangay, ginsugid man sang suspek nga naka-agi siya pa-rehab sa mental hospital sa Manila.

Ginpanghiwala naman sang suspetsado nga nagagamit siya sang illegal nga druga.

Ginpanugyanan sang punong barangay ang pamilya sang biktima nga ipa-medical check-up ang bata agud nga maka-file sang kaso batuk sa suspetsado.

Base sa pahayag sang biktima, ginhalukan siya sang suspek, gintandog kag dughan kag ginpasudlan sang tudlo ang iya kinatawo. (AGB)