LALAKI, GINTIRO PATAY SAMTANG NAGABAKAL SA TIYANGGE SA JARO; PAGPANGIMON, GINATUDLO MOTIBO SA KRIMEN!

Iloilo City–Patay ang trisikad driver nga gintiro sa Barangay San Roque, Jaro kagab-i.

Ginkilala ang biktima kay Ernie Hulabar samtang ang suspek ginkilala kay Gilbersan Robles alyas Gamay kag nagatrabaho nga security guard. Suno kay Pinky Hulabar, utod sang biktima, nagabakal sa tiyangge ang iya magulang sang gintiro sang suspetsado.

Ginatudlo nga motibo ang pagpangimon sang suspek sa biktima. Ginpahayag may relasyon ang biktima kag ang asawa sang suspetsado.

Suno kay Pinky, napatay ang iya magulang bangud sang pilas sa dughan. At-large ang suspetsado. (AGB)