Abogado ni Melvin Odicta Jr nga si Atty. Marbehn Lumbo, Atubangon ang Kaso nga Gin-file batuk sa iya sang PDEA 6 Kasunod sang Pag-raid sa Balay sang iya Kliyente

Iloilo City — Atubangon ni Atty. Marbehn Lumbo ang ginpasaka nga kaso sang PDEA 6 kontra sa iya kasunod sang pagraid sa balay sang iya kliyente nga si Melvin Odicta Jr alyas Vinvin sa Malipayon City Proper.

Kaso nga obstruction of justice kag drug protection ang ginfile batuk kay Lumbo bangud sa ginpahayag nga pagbalabag niya sa operasyon ilabe na sang gintuyo nga posasan ang mga utod ni Vinvin nga sanday barangay kagawad Darryl Odicta kag Michael Odicta.

Dapat suno kay Atty. Lumbo nga pamatud-an sang PDEA ang akusasyon nga drug protector siya.

Ginpanindugan sang abogado nga wala siya naka-uyat sang drug cases ilabe na sa kaso sang mga Odicta gani natingala siya sa ginfile nga kaso batuk sa iya.

Gin-athag naman ni PDEA 6 Assistant Regional Director Levi Ortiz nga ang ila regional director nga si Atty. Gil Pabilona ang nagrekomendar nga kasuhan si Lumbo sang drug protection. (JoMaque)