Miembro sang Philippine Army, Nakuhaan sang Indi lisensyado nga Pusil

Pototan, Iloilo — Nakuhaan sang indi lisensyado nga pusil ang miembro sang Philippine Army sa Pototan kagab-i.

Suno kay Senior Inspector Bonifacio Alabe Jr, hepe sang Pototan Police Station, natabu ang insidente samtang naga-conduct sang saturation drive ang mga pulis may kaangtanan sang Iwag festival sa banwa.

May ginsaway suno sa iya nga mga menor de edad ang mga pulis lakip na ang manghod ni Private First Class Jeffrey Carado Pomar, 29 anyos sang Cawayan Pototan kag na-assigned sa Negros Occidental.

Ginpahayag nga nagpauli ang manghod ni pomar kag nagpanugid sa iya magolang gani nagkadtu ang suldado sa police station kag nagreklamo sang ginpahayag pagsita sa iya utod.

Nnangin arogante suno kay Alabe si Pomar gani ginhambalan ini nga magkalma kag istoryahan sang maayo ang problema.

Apang nagtuyo nga magabot sang pusil ang suldado kabangdanan gin-neutralize sang mga pulis tubtub natukiban nga wala sang lisensya ang iya 45 kalibre nga pusil.

Preso na sa karsel sang Pototan Police Station si Pomar kag natalana kasuhan. (JoMaque)