Firecracker-related incidents sa syudad kag probinsya sang Iloilo, nagnubo!

Iloilo–Nagnubo ang numero sang mga biktima sang palupok sang New Year celebration sa probinsya.

Suno kay PCI Aron Palomo, Public Information Officer sang Iloilo Police Provincial Office, tubtub alas-8 sang aga kahapon, may 17 ka mga biktima sang firecracker-related incidents sila nga na-record. Mas manubo ang figure sa 39 nga narecord sang 2015.

Sa crime incidents naman, duha ka indiscriminate firing ang narecord sang IPPO – sa Guimbal kag Badiangan. May shooting incidents sa Cabatuan, Dingle kag Pavia sa diin napatay ang Hungarian national nga si Da’niel Melczer. May nareport nga hacking incident sa San Enrique kag suicide sa San Miguel.

Sa Iloilo City, may lima ka nabiktima sang palupok kag wala sang nagbiktima sang nagtalang nga bala. Nangin epektibu suno kay PSI Shella Mae Sangrines, PIO sang Iloilo City Police Office, ang kampanya gani mas manubo ang kaso sang mga nalukpan sang firecrackers. Maayo ang resulta suno kay Sangrines sang pagdeploy sang halos bug-os nga puwersa nila sa kabaranggayan halin sang Disyembre 31 sang gab-i tubtob Enero 1. (AGB)