Drug personality sa Culasi Antique, patay matapos nagbatu sa pulis sa buybust operation

Antique — Patay sa buybust operation sang Culasi Antique police kag Regional Public Safety Battalion ang ginapatihan drug personality sa Culasi kahapon.

Suno kay PO2 Mark Tupan, ang Asst. Operation Officer sang Culasi Antique Police Station, nagbato sa mga pulis si Elfie Sagpao, 42 anyos sang Esperanza, Culasi sang ginconduct ang buybust operation.

Napilasan sa wala nga parte sang nawong kag tuo nga dughan si Sagpao.

Nakuhaan ini sang 38 caliber revolver, 4 ka bala kag isa ka empty shell, 4 ka plastic sachets sang suspected shabu lakip na ang buybust item, 500 pesos nga marked money.

Ginpahayag ni PO2 Tupan nga indi tokhang surrenderer si Sagpao kag nahibaluan nga nagabaligya ini sang illegal drugs sa ila barangay kag sa kaiping nga kabarangayan. (JoMaque)