Mga pulis nga indi matanda magtiro, bawian sang pusil–PRO 6 Director

Iloilo City–Ginpa-andaman ni Police Regional Office 6 Director PCSUPT Jose Gentiles ang mga pulis nga bawian sang pusil kun indi makahibalo mag-igo sang target.

Suno kay Gentiles, priority sang iya mandu ang mga pulis nga yara sa field. Ginmanduan sini si PSSUPT Julio Gustilo, head sang Personnel and Management Division sang PRO 6, nga hibaluon kun sin-o nga mga pulis ang pigado sa marksmanship.

Ipa-idalum ni Gentiles sa training program ang mga pulis agud mahibaluan kun matanda magtiro sang target. Sa nasambit nga programa, kinahanglan suno sa iya nga makapasar sa classification course ang mga pulis nga may issued firearms. (AGB)