Task Force on Moral and Values Formation, magadeploy sang enforcers sa lodging houses sa Valentine’s Day!

Iloilo City–Maga-deploy sang duha tubtub tatlo ka enforcers sa kada lodging house ang Task Force on Moral and Values Formation para sa ilunsar nga saturation drive sa Valentine’s Day.

Ini ang nahisugtan sa consultative meeting sang Task Force kaupod ang mga representante sang mga lodging houses sa syudad kahapon. Suno kay Task Force Head Jorge Duron, nagpasalig ang mga lodging house owners nga makooperar sa saturation drive apang naghingyo nga mapadal-an sila sang sulat para sa deployment sang task force enforcers.

Na-istoryahan sa sinapol nga halin sa entrance, lantawon sang security guards ang mga naga-check in kag basehan ang physical appearance sang customers kun pasudlon ukon indi. Pag-abot naman sa kuwarto, iga-double check sang room boy ang customers agud masiguro nga indi menor-de-edad.

May salabton suno kay Duron ang mga lodging house kun madakpan nga nagpasulod sang menor-de-edad nga customer. (AGB)