Palaro new records!

Antique–11 na ka bag-o nga records sa nagkalain-lain nga sports event ang nahimo sa nagapadayon nga Palarong Pambansa.

Pinaka-ulihi nga nakahimo sang record ang mga swimmers sang National Capital Region. Ginalakipan ini nanday Sacho Mau Ilustre sa 100-meter freestyle secondary boys; Coronel, Magtibay, Busco kag Hilario sa 400-meter medley secondary girls; kag Jacinto, Magbag, Pogiongko kag Ilustre sa 400-meter medley secondary boys.

Bag-o nga records man ang gina-uyatan sang iban nga swimmers sang NCR nga sanday Bella Lo Magtibay sa 200 meter breast stroke secondary girls; Drew Magbag sa 200-meter breast stroke secondary boys; Jerald Jacinto sa 100-meter backstroke secondary boys; Catherine Bondad sa 100-meter backstroke secondary girls; kag Jacinto, Magoog, Asiongco kag Limpilipino sa 200-meter relay secondary boys.

Si Anamae Eugenio sang Region 1 ang naga-uyat sang bag-o nga record sa 400-meter hurdles elementary girls samtang si Kate Julienne Martinez sang Negros Island Region ang record holder sa discus throw elementary girls.

Gina-uyatan man ni Sylvian Faith Abunda sang Region 10 ang bag-o nga record sa javelin throw secondary girls. Ang Ilonggo nga si James Lozañez sang Estancia National High School ang labing una nga nakahimo sang new record sa palaro 2017 sa javelin throw secondary boy. (AGB)