Sinapol para sa security measures sang syudad, hiwaton buwas–Councilor Jeffrey Ganzon

Iloilo City–I-suhestyun ni Councilor Jeffrey Ganzon, chairman sang Committee on Police Matters sa City Council, ang pagrequire sa mga mga barangay officials nga mag-coordinate sa kapulisan kun may makaduluda nga tawo sa ila lugar bilang kabahin sang security measures sa syudad.

Iplastar ini ni Ganzon sa meeting upod sa mga barangay officials sa coastal areas, city councilors, mga katapu sang media kag si Iloilo City Police Office Director PSSUPT Remus Zacharias Canieso. Hiwaton ang sinapol alas-3 buwas sa hapon suno sa konsehal.

Nadesisyunan ang sinapol kasunod sang resolution ni Councilor Joshua Alim nga nagahingyo sa ICPO nga maghatag sang security briefing sa publiko agud indi matabu sa syudad ang pareho nga pag-atake sa Marawi City.

Komporme si Ganzon nga kinahanglan makapreparar ang syudad sa kapareho nga sitwasyon. (AGB)