Portion sang Diversion road sa Mandurriao nga ginkabkab, ginreklamo bangud nga dugang sa pagpugok sa trapiko

Iloilo City — Wala sang koordinasyon sa City government ang pagkabkab sang contractor sa dalan malapit sa SM City nga nagtuga sang pagpugok sa trapiko. Suno kay Public Safety and Transportation Management Office head Jeck Conlu, nakibot siya sang nakabaton sang madamo nga reklamo nga tuman ka hinay ang paglabay sa area bangud isa ka lane lang ang maagihan. Ipatawag suno kay Conlu ni Mayor Joe Espinosa ang contractor kag DPWH agud pangayuan sang paathag. Gintawgan sang Aksyon Radyo Iloilo si Engr. Rodney Gustilo sang DPWH City District Engineering Office apang nagbalibad siya sa pagkomento bangud usisaun pa sini ang contactor nga IBC. (JoMaque)