4 ka salakyan sa Miag-ao, nagkarambola; 12 pilason

Miag-ao, Iloilo — Naglab-ot sa dose ang napilasan sang nagkarambola ang apat ka salakyan sa Brgy. Tatoy, Miagao pasado las syete kagab-e. Suno kay Chief Inspector Norlan Perante, hepe sang Miagao Police Station, nagasumalangay sa karsada ang Isuzu DMAX passenger van nga ginamaneho ni Vicente Muel III,32-anyos sang Brgy. Santa Barbara kag Ford Ranger Pick-Up nga ginamenaho ni Ignacio Espina, 50-anyos sang Brgy. Bacong, Dumangas antes nagluntad ang insidente. Ginpahayag una nabunggu-an sang Pick-Up ang tricycle nga ginamaneho ni Ronie Gemotea, 47-anyos sang Brgy. Tatoy, tubtob nagsagairay sila sang van. Nakabunggo pa gid ang Pick-Up sa tricycle nga naga-park suno sa pulis. Pilason si Gemotea kag ang onse niya ka pasahero nga ginabugusan nanday ;
1.)Luna, 16-anyos
2.) Ma. Lily Ettha Espora, 31-anyos
3.)Samantha, 9-anyos
4.)Princess, 7-anyos
5.)Roldan Magbanua, 21-anyos
6.)Oliver , 13-anyos
7.) Marie, 16-anyos
8.)Paul, 13-anyos
9.)Rafael Molejona, 42-anyos
10.) Niel, 16-anyos
11.) Frency , 16-anyos
Padayon nga ginabulong sa ospital sanday Gemotea, Luna, Samantha kag Frency. Preso sa Miagao Police Station sanday Muell kag Espina. (JoMaque)