Pagselebrar sang paskuwa sa syudad kag probinsya sang Iloilo, nangin malinong kag matawhay

Iloilo — Malinong kag matawhay ang pagselebrar sang probinsya sang Iloilo sang paskuwa.  Suno kay Iloilo Police Provincial Office Director Marlon Tayaba, may isolated lang nga kaso sang pagpangbuno sa lima ka banwa. Apang wala sang dalagku nga insidente gani gin-assess sini nga generally peaceful ang paskwa.   Ginpahayag ni Tayaba nga nagnubo sang 65 porsyento ang kaso sang mga aksidente sa salakyan kon ikumparar sa figure sang 2016 halin alas-5 sa hapon sang Disyembre 24 tubtob alas-5 sa hapon sang Disyembre 25. Wala naman sang narecord nga kaso sang pagpangawat.

Generally peaceful man ang syudad sang Iloilo suno kay Iloilo City Police Office spokesperson Senior Inspector Shella Mae Sangrines. Suno sa iya, wala sang may narecord nga dalagku nga insidente ang ICPO. Lunsay mga vehicular accidents suno sa iya ang narecord sa syudad. Sa pihak sini, nakaalerto gihapon ang kapulisan sa pagpabilin sang kalinong kag katawhay sang syudad tubtub sa selebrasyon sang bag-ong tuig. (JoMaque)