Klase sa pre-school, kindergarten kag elementary sa syudad, suspendido gihapon bangud sang Bagyo Basyang

Iloilo City — Wala gihapon sang klase sa pre-school, kindergarten kag elementary schools sa syudad sang Iloilo subong nga adlaw bangud sa Bagyo Basyang.  Suno kay City Administrator Hernado Galvez, sakup sang mandu ni Mayor Joe Espinosa ang pribado kag pampubliko nga mga eskwelahan. Ginabilin naman sang alkalde sa administrator ukon principal sang high schools ang pagdeklarar kon masuspender man sila sang klase.

Nagdesisyon si Mayor Espinosa nga i-extend ang suspension sang klase tubtob sa elementary level agud masiguro ang safety sang mga estudyante. Kasunod man ini sang forecast sang PAGASA nga posible magabaha sa manubo nga areas bangud sa pag-ulan nga dala sang bagyo. (JoMaque)