PB Remia Prevendido-Gregori, ginapa-resign ni Mayor Joe Espinosa matapos gindalahig sa illegal drugs
Iloilo City — Ginpanugyanan ni Mayor Joe Espinosa si Bakhaw, Mandurriao Punong Barangay Remia Prevendido-Gregori nga magresign bilang pagpakita sang ‘good faith’.
Kasunod ini sang pagkadalahig sang ngalan sang kapitan sa illegal nga druga matapos gintudlo sang nadakpan nga drug personality nga naga-remit siya kay Gregori sang kuwarta halin sa pagbaligya sang illegal drugs.
Suno kay Espinosa, dapat nga pamatud-an ni Gregori nga wala ini nagabaton sang koleksyon sa pagbaligya sang illegal nga druga.
Sa pinakaulihi nga interview sang Aksyon Radyo kay Mary May Avelino, nadakpan nga drug personality sa Jibao-an, Pavia sang Marso 8, ginligwat sini ang nauna niya nga statement nga nagaulamid kay Gregori kag bata sang kapitan nga si Messy.
Ginpahayag sini nga napilitan lang siya sa pag-ulamid sa kapitan matapos siya ginhambalan sang nagdakop sa iya nga buy-an siya kun imitlang ang ngalan ni Gregori kag bata sini.
Suno kay Avelino, kinulbaan siya sang amo nga tiun kabangdanan nahinambit niya ang ngalan sang kapitan. (JoMaque)