Presidential Electoral Tribunal, nagsugod na sa pag-retrieve sang mga ballot boxes sa Iloilo sang 2016 elections angut sa election protest ni former Sen. Bongbong Marcos

Iloilo City — Nagsugod na ang Presidential Electoral Tribunal ukon PET sa pagretrieve sang mga ballot boxes sa Iloilo angut sa election protest ni anay Senator Bongbong Marcos sa vice presidential race.

Una nga ginkuha kahapon ang mga ballot boxes halin sa first district suno kay Atty. Elizabeth Doronila, Provicial Election Supervisor. Iga-retrieve naman subong tubtob sa Biernes ang mga ballot boxes sa iban pa nga distrito kag syudad sang Iloilo.

Suno kay Doronila, magluwas sa ballot boxes, iturn-over man sa PET ang book of voters kag election day computerized voters list.

Ang Iloilo ang ikaduha nga pilot province nga ginpili ni Marcos sa iya election protest. Nakakuha si Vice President Leni Robredo sang 573,829 votes sa Iloilo province samtang 94,411 votes kay Marcos sa vice presidential race. (JoMaque)