Pagpangkakas sang mga poste sa ginpalapad nga dalanon sa syudad, gina-skedyul suno sa Public Utilities Group

Iloilo City–Gina-schedule sang mga public utilities ang pagkakas sang ila mga poste sa ginpalapad nga dalanon sa syudad.

Pahayag ini ni Mr. Marcelo Cacho, spokesman sang Public Utilities Group nga ginabug-usan sang Panay Electric Company, mga telecommunications companies kag cable companies, 30 porsyento pa lang ukon 66 sa 254 ka mga poste ang nakakas tubtob subong nga bulan.

Pila sa mga areas nga may mga poste pa nga wala nakuha ang Lopez Jaena Street sa Molo; Barangay Aguinaldo, Magdalo kag Rizal sa Lapaz.

Ginhalimbawa ni Cacho ang mga poste sa Magdalo kag Rizal nga naka-skedyul nga pangkakason sa Nobyembre.

Nagtambung ang Public Utilities Group sa ginpatawag nga sinapol sang Task Force on Infrastructure sang City Government upod sa DPWH, mga contractors kag Public Safety and Transportation Management Office kahapon. (AGB)