ILONGGO, KAMPEON SA 5TH INTERNATIONAL COMPETITION OF ARTS AND CULTURE
Bugal sang Central Philippine University ang 4th year Mass Com student nga si Clem Marnel Rama Burgos magtapos nga nagkampeon sa 5th International Competition of Arts and Culture sa Yerevan, Armenia.
Hulyo 9 ginhiwat ang kompetisyon nga ginpasakupan sang 44 ka participants halin sa iban nga mga pungsod.
Nagpakita sang abilidad si Burgos sa pagperform sa entablado pinaagi sa pagportray sang papel sang tawo nga may problema sa paminsaron.
Nakakuha sang perfect 10 nga score si Burgos halin sa walo ka mga hurado nga naghatag sa iya sang kampeonato.
Nagsugod ang tanan sang nakita ni Burgos ang Facebook post nahanungod sa nasambit nga kompetisyon. Nag-audition siya pinaagi sa pagsend sang mga videos sang iya mga performances asta nga naqualify sa finals.
Dako ang pagpasalamat ni Clem sa tanan nga nagsuporta sa iya.
Si Clem ang natawo sa San Carlos, Negros Occidental apang diri na sa Iloilo nagdaku. Naga-isahanon siya nga bata sang pastor kag sang public school teacher. 14 anyos pa lang ini sang nagsugod perform sa entablado. Isa ka registered nurse si Burgos apang mahilig man siya sa arts kag luyag man sini nga mangin newscaster gani nag eskwela liwat kag nagkuha sang kurso nga Mass Com sa CPU. (JoMaque)