November 28, 2021

TOKGANG (TOKTOK HANGYO) NGA NAGATARGET SA MGA GANG, ILUNSAR SANG ILOILO CITY POLICE OFFICE

Read Time:1 Minute, 16 Second

Iloilo City — Ilunsar sang Iloilo City Police Office Women and Children’s Protection Desk ang TOKGANG ukon Tuktok Hangyo sa mga Gang sa Hulyo 16.

Suno kay ICPO Spokesperson Senior Inspector Shella Mae Sangrines, magahiwat sila sang programa sa ICPO headquarters kag gin-imbitar ang bag-o nga presidente sang Sangguniang Kabataan Federation nga si Ex-officio Councilor Leila Luntao.

Tuyo sang TOKGANG suno kay Sangrines nga malab-ut ang mga pamatan-on nga gin-identify nga involved sa gangs lakip na ang mga menor-de-edad nga makapila ka beses nga nadakpan nga naglapas sa Curfew for Minors Ordinance.

Iga-update man ang listahan sa PROJECT BONG ukon Bringing Order to the Nemesis of Gangs nga una ginlunsar sang 2017.

Ginhingyo suno kay Sangrines sang ICPO ang bulig sang SK bangud may pondo sila agud masustiner ang mga programa para sa kaayuhan sang mga pamatan-on.

PAMATAN-ON NGA KABABAIHAN

Hatagan prayoridad sa TOKGANG sang ICPO ang mga pamatan-on nga kababaihan.

Suno kay PSI Sangrines, nagaplano sila sang separado nga programa para sa mga pamatan-on nga kababaihan nga involved ukon identified nga may kaangtanan sa mga gangs.

Tuyo sini nga mahagan-hagan kag mapanubo ang kaso sang teenage pregnancy sa syudad.

Una na nga ginlunsar sang ICPO ang PROJECT BONG ukon Bringing Order to the Nemesis of Gangs sang 2017 agud makalikaw ang mga pamatan-on sa gang kag kinagamo paagi sa mga mapuslanon nga aktibidad.

Gin-athag ni Sangrines nga indi sila magpamilit kon indi mag-upod ang pamatan-on. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ILONGGO, KAMPEON SA 5TH INTERNATIONAL COMPETITION OF ARTS AND CULTURE
Next post Dugang nga security detail para kay Mayor Joe Espinosa, City Hall, ginrequest sang EA for Security