Dugang nga security detail para kay Mayor Joe Espinosa, City Hall, ginrequest sang EA for Security

Iloilo City–Nagrequest sang dugang nga security detail si Executive Assistant for Security Felix Muchada para kay Mayor Joe Espinosa.

Ginpahayag ni Muchada nga nagakabalaka siya sa seguridad sang alkalde gani nagpangayo siya sang duha ka pulis para sa City Hall kag dugang nga apat ka police auxiliaries agud magbantay kon magkadtu ang alkalde sa mga barangay para sa iya “Pag-ulikid ProgramP kag iban pa nga dalagku nga events.

Suno kay Muchada,  madamo nga mga pulitiko subong ang ginapatay kag indi mapaktan ang pinsar sang mga tawo nga posible magsakay sa sitwasyon.

Ginpahayag sini nga luyag lang niya nga malikawan ang anuman nga malain nga tuyo kun may yara gid man batuk sa alkalde. (AGB)