Pari, nagreklamo nga ginsunod-sunod sang mga pulis kag ginkuhaan sang litrato

Iloilo City — Ginsundan kag ginkuhaan picture sang mga pulis si Father Marco Sulayao sang Philippine Independent Church kag chair sang Promotion of Church People’s Response (PCPR).

Natabu ini suno sa iya sang Mierkules, Enero 30 sang nagpadulong siya sa Negros Island para magtambong sa meeting sang mga pari.

Namutikan ni Sulayao nga sa pier pa lang sang Iloilo may tatlo na ka pulis nga nagsunud-sunod sa iya.

Pag-abot sa Negros, nagpanihaga ang grupo ni Fr. Sulayao kag may nagsulod nga pito ka miembro sang Philippine Army nga lunsay naka-uniporme.

Nagsakay sa bus ang grupo ni Sulayao kag pag-abot sa San Carlos City suno sa iya, ginpalibutan siya sang pito naman ka pulis kag ginkuhaan siya sang picture antes naglakat.

Pagpakita ini suno sa iya nga ang tanan indi hilway sa intimidasyon kag pagpang-harass sang gobyerno.

Nagapati si Sulayao nga kabahin sang ginmandu nga crackdown ni Presidente Rodrigo Duterte batuk sa mga ginapatihan leftists ang pagsunod sang mga pulis kag pagkuha sang litrato sa iya. (AGB/MO)