Sangguniang bayan sang Bingawan, mapatawag sang special session agud talakayon ang pagpaidalum sa banwa sa state of calamity

Iloilo — Maga-conduct sang special session subong nga adlaw, Marso 25, ang Sangguniang Bayan sang Bingawan agud talakayon ang pagpaidalum sa banwa sa state of calamity bangud sa epekto sang El Niño.

Ini ang ginpahibalo ni Vice Mayor Matt Palabrica kasunod sang rekomendasyon sang Municipal Disaster and Risk Reduction Management Council (MDRRMC).

Suno kay Palabrica, ginabanta sa P30 million ang balor sang mga palay sa talamnan ang indi na mapuslan sang mga mangunguma bangud sa epekto sang El Niño kag nagakalamatay man ang ila kasapatan.

Base sa National Disaster and Risk Reduction Management Council, makadeklarar lang sang state of calamity ang local government unit kun 20 percent sang populasyon ang apektado. (JoMaque)