Porsyon sang abandonado nga balay sa Sitio Malipayon, Bolilao, Mandurriao, nasunog

ILOILO CITY — Nasunog ang porsyon sang atop sang abandonado nga balay sa Sitio Malipayon, Bolilao, Mandurriao kahapon sang aga, Marso 24.

Suno kay Tanod Commander Fernando Pardorla, posible nga halin sa ginhaboy nga upos ka sigarilyo halin sa bintana sang kaiping nga building ang gintunaan sang sunog.

Madasig naman nga napalong ang kalayo bangud sa pagbuligay sang mga residente.

Ang abandonado nga balay ang ginapanag-iyahan ni Jaylord Sayo.

Wala sang kuryente ang nasambit nga balay kag duha na ka tuig nga wala gina-istaran. (JoMaque)