Pototan, may pinakadamo nga dengue cases sa probinsya

By: Aine Grace Bravo | July 9, 2019, 6:30PM

Via Aksyon Jeremy Brian Valle

Iloilo — Nagapanguna ang Pototan sa may pinakadamu nga kaso sang dengue sa probinsiya sang Iloilo base sa 26th Morbidity Week Census (January 1- June 29, 2019) sang Provincial Health Office.

May 81 ka pasyente nga na-admit sa Iloilo Provincial Hospital bangud sa dengue kag duha na ang napatay.

Suno kay Mayor Rafael Enrique Lazaro, nagpa-in na sila sang P1 million nga budget agud mahatagan sang prayoridad ang problema sa dengue.

Padayon man ang pag-disseminate sang impormasyon sa mga barangay officials kag principal sang mga eskwelahan angut sa kon paano matapna ang problema sa dengue.