Balay sa La Paz, gin-raid sang BIR kag police; 14 ka saku sang peke nga mga sigarilyo, na-recover

By: Aine Grace Bravo |September 19, 2019

via Francisco Enar

Iloilo City — Gin-raid sang mga personnel sang Bureau of Internal Revenue, Criminal Investigation and Detection Group kag mga pulis ang balay sa Tabuc Suba, La Paz kasunod sang impormasyon nga may nakatago nga mga peke nga sigarilyo.

14 ka saku sang peke nga mga sigarilyo ang na-recover. Base sa impormasyon, gina-manufacture sa Bulacan ang mga produkto kag ginapadala sa Iloilo.

Suno kay Atty. Geoffrey Uy sang legal division sang BIR, peke ang selyo nga makita sa mga sigarilyo.

Sang nagligad nga semana suno sa iya nakabaton sang reklamo ang BIR.

Nag-upod man sa raid ang mga representatives sang kompaniya sang orihinal nga brand sang sigarilyo.

Ginapanag-iyahan sang naga-apelyido “Boliva” ang balay suno kay Uy.